أبراج المؤامرة الكونية !!!

-بلدي-العدد-العاشر-الأحد-8-نيسان-2012.pdf-Page-6-image-21.jpg

برج الزرافة

عزيزي الزرافة.. أسبوعك كان حافل بطرابيش وعمائم حوليك.. قلبك حنون ما نسيت المسجد الأقصى!! وعطيتنا خطبة عن أمجاد الإسلام والعروبة..!! بحب خبرك إنك تنتبه من السيف يلي فرحان فيه وعم تتصور معو لأن هاد السيف رح يقصلك هالرقبة

برج النعامة

بالنسبة إلك لازال الوضع ضبابي..!! الخوف عم يمنعك ترفع راسك وتشوف الدنيا على حقيقتها.. يعني غيرك بيقطف وانت بتاكل.. وبمعنى تاني بدك توصل لهدفك عكتاف غيرك..!! بس استغل الوقت ولحق حالك قبل ما يفوتك الغطار..!

برج البطة

أما أنت عزيزي البطة.. قصتك قصة وحكايتك جرصة..!! أسبوعك الماضي كالعادة كلو تمسيح جوخ.. رايحجاية تخطب ود هاد وتطلب العون من هاد.. مرة بروسيا ومرة بالصين.. مفكر حالك رح تضلك عايموهالطوفان مارح يغرقك؟!! بحب بشرك انو في تغييرات مناخية بالفترة القريبة ورح تغرقك عالأكيد.. ويا بطة دوري دوري مصيرك يفعسك الشعب السوري.

برج الجحش

عزيزي مولود برج الجحش، قراءات الفلك تسلط الضوء على تجحيشكوتعفيسك.. تنبؤات الفلك بتذكرك بمفيد الوحش يلي قطع دنب الجحش..!! وبنصحك تنتبه على دنبك.

برج الشبيح

إجمالًا حياتك ما اختلفت..! يبدو إنو الروح الشريرة معششة فيك وما عم تتركك.. برج الجحش عم يأثر عليك كتير وتكتسب نفس صفاته الوحشية..! انتبه الحركة الثورية وراك وراك أد ما كبر أذاك.

برج البوق

عندك رغبة دائمة بالكلام.. وبتدافع عن سيدك كأنو ربك..!! هناك توافق كبير بينك وبين برج الشبيح.. بس كل واحد بأبدع شكل بأذية الناس..!! حذار وخفف شوي من الحكي لأن لسانك كل مالو عم يطول.. إي يحكيك الحكاك ووجع الحناك.

برج العوايني

ابينصحك الفلك عزيزي العوايني إنك تسكر عيونك وتنتبه على تصرفاتك.. مشان تتفادى أمور خطيرة قد تحصل معك..! برج الشبيح عم يساندك بهالفترة بس لمصلحة شخصية معك وياويلك تلعب بديلك معو..!!

نصيحة: خليك مع أهلك وناسك، مرجوعك إلهن.

برج المنحبكجحش

حبك لرئيسك عزيزي المنحبكجحش أفقدك إنسانيتك، الحب بدو تضحية شو بدك تعمل!! بس كمان بحب زكرك أنو ومن الحب ما قتل… يعني حبك رح يجيب آخرتك… لازم تنتبه لأن بدك تتصارع مع حالك لترجع لطبيعتك البشرية!! الحظ بهالفترة محالفك بس دير بالك لأن مو كل مرة بتسلم الجرة وآخرتك مرتبطة بآخرتو.

برج الحرية

سنة 2011 وهي السنة كانت قاسية عليك وبرج الشبيح والبوق هاجموك كتير وصاحوا (بدكن حرييي؟)..! بس بحب بشرك إنو عدد هائل من الناس ضحت بحياتها كرمال تحصل عالحرية.. لا تتراجع عن هدفك، لأن الحرية عالباب.

برج المندس

دربك لسا طويل وصعب.. عدوك خطير كتير.. لكن انت الحق والحق ما بضيع.. خليك صامد ولا تتراجع..

خليك إيد بإيد مع برج الحرية.. ولا تعول على فلك المجتمع الخارجي.. ويا مندس طول بالك برج الحرية رح يتقاطع مع برجك بالقريب العاجل.

تابعنا على تويتر


Top