تعدد الزوجات هو الحل الوحيد لحل الأزمات

tag icon ع ع ع

جريدة عنب بلدي – العدد 37 – الاحد – 4-11-2012

 

ما شاء الله بعض الرجال بسوريا وبعد ما قامت هالثورة رق قلبن كتييير وما عم يقدروا يتحملوا وجود صبايا ترملوا بعز شبابن…

وبعد ما فكروا هالرجال كتيير وشغلوا ضميرن أكتر، طلع معهم إنو لازم كل رجال يتزوج وحدة وتنتين وتلاتة ((مثنى وثلاث ورُباع))

إي ليش لأ؟؟؟!! الثورة مدرسة وعلمتنا كيف انضحي … ولا شو؟؟؟؟

هيك الأفندي أبو أحمد عم يقول لمرتو: ((مو إنتي يا مرتي بتحبي الثورة؟؟؟ مو إنتي عم تبكي كل يوم على هالأرامل؟؟؟ معقولة تعارضي فكرة انو نُستر هالمساكين وهالأيتام؟؟؟ مو نحنا بهل أزمة لازم نكون متكاتفين؟؟ وهالثورة علمتنا الإيثار والتضحية؟!!!!!))

لنشوف أم أحمد شو قالت: ((لا حبيبي لا…. أنا لا بحب الثورة ولا بدي ياها… وتنباع بالعزى هي والأرامل… وأنا بحبو لبشار والله يديمو فوق راسنا!!…

والله يا أبو أحمد إذا بتفكر تعملها وتطئها جوازة عليي ما تلوم غير حالك ها… والله ما بورجيك وشي ولا وش ولادك طول حياتك))

لمّا أبو عبدو خطرت بباله نفس الفكرة، إم عبدو قالت له «اترك هل الشغلة للشباب أو هلأ بتصل بالجيش الحر وبخبرهم إنك عوايني وعميل للنظام»!!!!

يعني يا أبو أحمد معقولين إنت والتاني أبو عبدو!!؟؟ هلئ صرتو بتحبوا الثورة وبدكم تشاركوا فيها!!! وقت كنا عم نقلكم قوموا شاركوا مع الشباب بالمظاهرات السلمية، وأضْربْوا وسكّروا محلاتكم، أو قوموا احملوا سلاح ودافعوا عن البلد مع الجيش الحر كنتو  تقولو: ((حاجة علاك!! نحنا ما رح يطلعلنا معن… تضربوا إنتو وثورتكن!!))

هلئ وقت صار القصة فيها جواز اتحرك ضميركم…!! وصرتو بتحبو الثورة وبدكم اتضحو كرمالها!!!!!

يعدمني ياك يا أبو أحمد إنت وأبو عبدو وكل واحد متلكم….تقول نسوان 





مقالات متعلقة


×

الإعلام الموجّه يشوه الحقيقة في بلادنا ويطيل أمد الحرب..

سوريا بحاجة للصحافة الحرة.. ونحن بحاجتك لنبقى مستقلين

ادعم عنب بلدي

دولار واحد شهريًا يصنع الفرق

اضغط هنا للمساهمة